ആദ്യം കാലുകളാണ് പറഞ്ഞത്
ചങ്ങലകള്‍ വരുമെന്ന്
പിന്നെ കൈ വിരലുകള്‍ക്കനുഭവാപെട്ടു തുടങ്ങി
ഞാന്‍ മിണ്ടുന്നതിനു മുംബ് തന്നെ നാക്കറുത്തിരുന്നു
നാക്കിലയില്‍ വെക്കാന്‍ മാത്രം എന്റെ ഹൃദയം
തുരന്നെടുക്കാമെന്ന മോഹം ആരാണാവോ ഇവരോട്
കള്ളം പറഞ്ഞു പറ്റിച്ചത് ?
ഞാനേന്‍റെ ക്ഷുഭിത സ്ഖലിതങ്ങള്‍ സ്വപ്നക്കൂട്ടിലാണ്
അടുക്കി വെക്കുന്നത് ; കണ്ണിണകള്‍ ചൂഴ്ന്നെടുത്താലും
അകക്കണ്ണിലതുഞാന്‍ കാണും പാകത്തില്‍ .
എന്റെ ഭാഗം കേട്ടല്ലോ ; ഇനിയെനിക്ക് നടക്കാമോ?
എന്നെയറിയുന്ന മണല്ത്തരികല്‍ക്കെന്റെ
കാലടിയോച്ചകള്‍ കേള്‍ക്കാന്‍ നേരമായി -
നിണം വറ്റുന്നതിന്നു മുംബാ
തുടിക്കുന്ന കുറു നാക്ക് തിരിച്ചു തന്നാലും ;
അറുത്തെടുത്ത വിരലുകളും.
കമ്മിറ്റ്മന്റിനു തോട്ടികെട്ടിയ നിര്‍വചനമെനിക്കറിയില്ല!
