Thursday, November 3, 2016

ജനകീയ സ്നേഹ സംഗമം

മാന്യരെ,
അസ്സലാമുഅലൈക്കും
ക്ഷേമമല്ലേ  - താങ്കൾക്കും കുടുംബത്തിനും ?

നീതിയും നിയമവും ഭരണഘടനാവകാശങ്ങളും  ഒരേ പോലെ അനുഭവിച്ചു കൊണ്ടാണ് ഇന്ത്യയിൽ നാം ജീവിക്കുന്നത്.  എല്ലാവരും ഇതിന്റെ പങ്ക് പറ്റുന്നവരാണ്. വിശ്വാസം, ആചാരം, വൈവാഹികം, കുടുംബാവകാശങ്ങൾ ഇവയൊന്നിലും  മറ്റുള്ളവരുടെ  അവകാശങ്ങളോ  ആനുകൂല്യങ്ങളോ ഹനിക്കപ്പെടുന്നില്ല.  ആരുടേയും വിശ്വാസം ചോദ്യപ്പെടുന്നുമില്ല. അവനവന്റെ വിശ്വാസ ആചാരക്രമങ്ങൾ ജീവിതത്തിന്റെ ഭാഗമാക്കാം

ദൗർഭാഗ്യകരമെന്ന് പറയട്ടെഇയ്യിടെയായി അരുതല്ലാത്ത വായനയ്ക്കും ഇടപെടലുകൾക്കും ഇന്ത്യ  വിധേയമായിക്കൊണ്ടിരിക്കുകയാണ്.  ഏക സിവിൽ കോഡില്ലാത്തതാണ് ഇന്ത്യയിലെ മുഴുവൻ സാമൂഹ്യപ്രശ്നങ്ങൾക്കും കാരണമെന്ന രീതിയിലേക്ക് ചർച്ച വഴിവഴിതിരിച്ചു വിടുന്നു. ശരിഅത്തു നിയമങ്ങളിൽ  മുസ്ലിം സ്ത്രീകൾ അരക്ഷിതാവസ്ഥയിലെന്നു ഇവിടെ  വരുത്തി തീർക്കുന്നു. ഈ പ്രോപഗണ്ടയ്ക്ക്  ചുക്കാൻ പിടിക്കുന്നതോ മുസ്ലിം  സമുദായത്തെ എങ്ങിനെ ഇന്ത്യയിൽ നിന്ന്  ഇല്ലായ്മ ചെയ്യാമെന്നു കണ്ണിൽ കടുക് വറുത്തു കാത്തിരിക്കുന്ന ഫാസിസ്റ്റ്കളും.   ഈ വിഷയത്തിൽ അൾട്രാസെക്യൂറലിസ്റ്റുകൾ വരെ  ഫാസിസ്റ്റുകളുടെ കുഴലൂത്തുകാരാണ്!

ആരാധനാരീതികളും കൗടുംബികനിയമങ്ങളും ഒരു  സമുദായത്തിന്റെ വ്യക്തിത്വമാണ്  പ്രദാനം ചെയ്യുന്നത്. അവ ഇല്ലാതാകുന്നതോടെ ആ ഭൂമികയിൽ ആ സമുദായത്തിന്റെ ഐഡന്റിറ്റി ഇല്ലാതാകുന്നു.  ഏക സിവിൽകോഡ് വാദികളുടെ ആത്യന്തിക ലക്ഷ്യവും ഇത് തന്നെ. ഇന്ത്യയുടെ ഭാഗമായി മാറിയ, നൂറ്റാണ്ടുകളുടെ പാരമ്പര്യമുള്ള  ഒരു  സമുദായത്തിന്റ സ്വത്വം ഫാസിസ്റ്റുകളുടെ പ്രചണ്ഡപ്രചാരണം കൊണ്ട് കടലെടുക്കണോ പ്രസ്തുത വിഷയങ്ങൾ ഉൾപ്പെടുത്തി യാമ്പു ഇന്ത്യൻ ഇസ്ലാഹി സെന്റർ  ഒരു ജനകീയ സ്നേഹ സംഗമം സംഘടിപ്പിക്കുന്ന വിവരം താങ്കളെ സന്തോഷ പൂർവ്വം അറിയിക്കട്ടെ. 

നവംബർ 11, 2016  വെള്ളിയാഴ്ച രാത്രി 8.15  നു ''ഏക സിവിൽ കോഡും മുസ്ലിം ശരീഅത്തും'' എന്ന തലക്കെട്ടിലാണ് പ്രസ്തുത സംഗമം. സ്ഥലം :  ലക്കി ഹോട്ടലിനു സമീപമുള്ള ജാലിയാത്തിന്റെ ഓഡിറ്റൊറിയം.  സൗദിയിലെ പ്രമുഖ പ്രവാസി സംഘടനാ നേതാക്കളും മത-സാമൂഹിക-രാഷ്രീയ രംഗത്തെ പ്രമുഖരും പ്രസ്തുത സെഷനിൽ പങ്കെടുക്കുന്നു.

ഈ വിഷയം കേൾക്കാനും പരിപാടിയിൽ പങ്കെടുക്കുവാനും താങ്കളോടൊപ്പം താങ്കളുടെ കുടുംബത്തെയും കൂട്ടുകാരെയും ക്ഷണിക്കുന്നു.   പ്രസ്തുത  ജനകീയ സ്നേഹ സംഗമം താങ്കളുടെ  മഹനീയ സാന്നിധ്യം കൊണ്ട്  സജീവമാക്കുകയും വിജയിപ്പിക്കുകയും ചെയ്യണമെന്ന് അഭ്യർത്ഥിക്കുന്നു.

സ്നേഹാന്വേഷണങ്ങളോടെ


അബൂബക്കർ മേഴത്തൂർ, ചെയർമാൻ ,     അബ്ദുൽ മജീദ്സുഹ് രി ,,ജനറൽ കണ്വീനർ                                                                        

No comments: