ചിന്താമൃതം

ചിന്താമൃതം

ചിലർ അങ്ങിനെ. വരും; ക്ഷണിക നേരം കൊണ്ട് കുരുവി കുഞ്ഞാകും; നമ്മുടെ മനസ്സിൽ കുഞ്ഞു ചിറകടിച്ച് പാറി കളിക്കും. തോളിൽ, മുതുകിൽ, കണ്‍മുമ്പിൽ, കണ്‍പിരിയത്ത് കാണാത്ത ചില്ലയിൽ അവ ഇരിക്കും. ആ തൂവൽ സ്പർശത്തിനു അനിവർവചനീയമായ സുഖം... ഒരിക്കലും ആ കുഞ്ഞു കുരുവി പാറി പോകരുതെന്ന് നാം വെറുതെ യാണെങ്കിലും ആഗ്രഹിക്കും. എത്ര വേഗത്തിലാണ്, നമ്മുടെ മനസ്സിലത്‌ കൂടൊരുക്കുന്നത് ! ഒരിക്കൽ നാമറിയുന്നു - ആ കൂട്ടുകരാൻ/ കൂട്ടുകാരി കൂട് വിട്ടു പാറിപോകാനുള്ള ഒരുക്കത്തിലാണെന്ന് വീണ്ടും വരും, അതുറപ്പാണ്; വീണ്ടും കണ്ടുമുട്ടും, അതുമുറപ്പ്. വിചാരം നടന്നു; വികാരം കിതച്ചോടി മുന്നിലെത്തി... നാമെപ്പോഴെങ്കിലും ഇത് അനുഭവിച്ചിട്ടുണ്ട്; തീർച്ച ആ കുരുവി ഇവരാകാം - നമ്മുടെ പൊന്നോമന, അല്ലെങ്കിൽ നമ്മുടെ പ്രിയതമ, പ്രിയപ്പെട്ടവൻ, ഉമ്മച്ചി, ഉപ്പ ... ഒരു വിരുന്നുകാരൻ .....അങ്ങിനെയങ്ങിനെ യാത്ര മൊഴി - കണ്ണീർ തുള്ളികൾ മാത്രം സംസാരിക്കുന്ന നിമിഷങ്ങൾ ഇത് വായിച്ചു തീർന്നപ്പൊഴും നിങ്ങളുടെ കണ്ണുകൾ സജലങ്ങളായിട്ടുണ്ട് The return makes one love the farewell. ഇത് ഫ്രഞ്ച് കവി ആല്ഫ്രെഡ്‌ മസ്സറ്റ് പറഞ്ഞത്.