ചിന്താമൃതം
പ്രവാചകർ നിരക്ഷരൻ ; അത് പ്രപഞ്ച നാഥന്റെ നടപടി. വിശുദ്ധ ഗ്രന്ഥം അമാനുഷികം. അതാ നാഥന്റെ മഹദ്വചനം. പ്രവാചകത്വം ലഭിച്ചതിനു ശേഷം അവിടുന്നു അഭിസംബോധകരോട് മൊഴിഞ്ഞത് ദിവ്യ വചനങ്ങൾ മാത്രം. പിന്നീട് ആ തിരുവായിൽ നിന്ന് നിര്ഗ്ഗളിച്ചത് മുഴുവൻ, മുഴുവൻ, നാഥനിൽ നിന്നുള്ള അറിവ്, നന്മ.... മാലാഖ അവിടുത്തേക്ക് ആദ്യം കേൾപ്പിച്ചത് - വായിക്കാൻ ;നാഥന്റെ നാമം; പേനകൊണ്ട് അറിവ് നല്കിയ പ്രപഞ്ചനാഥന്റെ നാമം. പേന പ്രധാനം, എഴുത്തും വായനയും. നാം നല്ലത് വായിക്കുന്നു - അതിനർത്ഥം നാം നന്മയുടെ ഭാഗമാകുന്നു. ചോരണം ചെയ്യാത്തത് അറിവ്, ചോർച്ച ഉണ്ടാകുന്തോറും, നിറയുന്നതും അറിവ്. അതത്ഭുതം ! വായിക്കുമ്പോൾ, അറിയുമ്പോൾ ഹൃത്ത് വൃത്തിയാകും, വിമലമാകും, മാറാല നീങ്ങും, മാറാപ്പ് മാറിക്കിട്ടും. അറിയുക എന്നാൽ ഉൾക്കൊള്ളുക എന്നാണ്. ഏത് വിഡ്ഢി ചമയുന്നവനും അറിവ് കിട്ടിയേക്കും; അറിവാളൻ ആ കിട്ടിയ അറിവ് ഉൾക്കൊള്ളുന്നവൻ ! അവനത്രെ തിരിച്ചറിവുള്ളവൻ !
No comments:
Post a Comment